Қазақтың қос батыры Қарасай мен Ағынтайдың ерліктері бізге тарихтан белгілі. Қайталанбас ержүректіктерімен танымал батырларымыз Солтүстік Қазақстан облысы Айыртау ауданының Мәдениет ауылының маңында жерленген. Олар XVII ғасырда Есім ханның ту астында жоғарыдағы жерлерді жаудан қорғаған. Жоңғар шапқыншылығы кезінде Есім ханның әскерін 18 жасар Қарасай бастаған, ал Арғын Ағынтай оның көмекшісі мен адал досы болған. Екі батыр қай шайқасқа болсын бірге аттанып, ел тыныштығы жолында тер мен қан төккен.
