Мақала

Til forýmy

«Jahandaný jáne ulttaný úderisindegi qazaq tiliniń ómirsheńdigi» Respýblıkalyq forýmy

 

 

Ótetin orny: Nur-Sultan qalasy, «QazMedıa ortalyǵy»
Ótetin merzimi:  2019 jylǵy, 24 qazan, saǵat 9:00

 

2019 jylǵy 24 qazan kúni Nur-Sultan qalasynda «Jahandaný jáne ulttaný úderisindegi qazaq tiliniń ómirsheńdigi» taqyrybynda respýblıkalyq forým ótedi.

 

Forýmnyń negizgi maqsaty – Qazaqstan Respýblıkasynyń Prezıdenti Qasym-Jomart Toqaevtyń halyqqa joldaýyndaǵy qazaq tiliniń ultaralyq qatynys tili retinde qalyptasý baǵytyndaǵy jumystardy saraptaý, aldaǵy mindetterdi anyqtaý.

 

Forým aıasynda qazaq tilin memlekettik til retinde qoǵamnyń barlyq salasynda keńinen qoldaný múmkindikteri men ózekti problemalar talqylanady. Qazaq tiliniń qoldanys aıasyn keńeıtý, ǵylym, bilim, saıasat, bıznes, kásipkerlik, óndiris, áleýmettik salalardyń barlyǵynda qazaq tilin paıdalanýdaǵy máseleler qaralady. Jahandaný jáne ulttaný úderisindegi qazaq tiliniń ómirsheńdigin arttyratyn reforma retindegi jańa álipbıge kóshý barysy, osyǵan qatysty atqarylǵan sharalardyń qorytyndysy, aldaǵy mindetter, jurtshylyq arasynda bul reformaǵa qatysty júzege asyrylǵan jumys nátıjeleri sóz bolady. Álipbı reformasynyń jalpyhalyqtyq sıpat alý tetikterin iske qosýdyń joldary anyqtalyp, memlekettik tildiń qoldanys aıasy men sapasy óz deńgeıinde kórinis tappaı jatqan qoǵamdyq ómir salalary men qurylym ókilderine arnalǵan álipbı reformasy, memlekettik tildiń normatıvtik bazasy, Qazaqstandaǵy jáne álemdik tildik qaýymdastyqtaǵy qazaq tiliniń róli men mártebesi týraly zamanaýı bilim, aqparat, nasıhat alańdarynyń jumysy uıymdastyrylady. Tilderdi damytýdyń óńirlik basqarmalary men oqytý ortalyqtarynyń latyn grafıkasyna kóshý boıynsha atqarǵan jumystary men daıyndaǵan ónimderi boıynsha kórme uıymdastyrylady. Qazaq tiliniń termınologıalyq qoryn júıelendirý, oqytý jáne úıretý ádistemesin ázirleý jáne latyn grafıkasyn İT tehnologıalarǵa jáne aqparattyq keńistikterge beıimdeý boıynsha sarapshylardyń ázirlegen ónimderin tanystyrylady.

 

Forýmǵa QR Memlekettik hatshysy, QR Úkimetiniń Vıse-premeri, QR Mádenıet jáne sport mınıstri, QR Parlamenti Senaty, Májilisi depýtattary, QR Joǵary Soty, Bas Prokýratýrasy, barlyq mınıstrlikterdegi, QR Ulttyq qaýipsizdik komıteti, agenttiktediń tilderdi damytý basqarmalarynyń basshylary, Ulttyq kompanıalar men iri bıznes elıta ókildikteriniń tilderdi damytý bólimderiniń basshylary, Qoǵam qaıratkerleri, zıaly qaýym ókilderi, oblystyq, Nur-Sultan, Almaty, Shymkent qalalyq tilderdi damytý basqarmalarynyń basshylary, óńirlik tilderdi oqytý ortalyqtarynyń dırektorlary men ádiskerleri, oqytýshylary, Qazaqstan halqy asambleıasy, etno-mádenı birlestikter men ortalyqtardyń tilge jaýapty mamandary, sheteldik elshilikter men dıplomatıalyq korpýstardyń til mamandary, ǵalymdar, fılolog mamandar jáne qazaq tiliniń bolashaǵyn oılaıtyn til janashyrlary qatysady.

 

Forým aıasynda til mamandary 6 túrli pikir alańynda bas qosady:

  1. «Bilim, ǵylym jáne til»
  2. «Bıznes jáne til»
  3. «Zań jáne til»
  4. «BAQ jáne til»
  5. «Memlekettik til bolashaǵy – jastar bolashaǵy»
  6. «Óńirlerdegi tildik ahýal»

 

Qazaq tiliniń bolshaǵyna beı-jaı qaraı almaıtyn, oı qosamyn deýshilerge esik ashyq, kelińizder!

 

Baılanys:

tel. 27 71 38, 27-30-43, 27-31-32
Veb-saıt: www.tilalemi.kz, www.qazlatyn.kz, www.tilqazyna.kz
El.poshta: info@tilqazyna.kz, a.aidos@tilqazyna.kz, i.asel@tilqazyna.kz
Uıaly telefon:  8 777 115 44 40, 8 707 533 38 73

 

Басқа материалдар

Back to top button