Жаңалық

«Сәйгүлік»

Алматыда» «Сәйгүлік» атты жылқыға арналған көрме ашылды

Темірбек Жүргенов атындағы қазақ ұлттық өнер академиясында «Сәйгүлік» атты жылқыға арналған көрме ашылды. Мұнда жалпы 100-ге жуық туынды қойылған. Оның ішінде тек бейнелеу өнері ғана емес, мүсіндер және алтынмен апталып, күміспен күптелген ат-әбзелдері ұсынылған.

Көрмеге мүсіндер және алтынмен апталып, күміспен күптелген ат-әбзелдері секілді 100-ге жуық туынды қойылған. Бұдан бөлек, шараға тарих ғылымдарының докторы, профессор Ахмет Тоқтабай және ақын Маралтай Райымбеков арнайы шақырылған. Олар қазақ ерекше қадір тұтқан жануардың шығу тегі мен асыл қасиеттері туралы айтып берді.

«Біз – әлемде тұңғыш рет жылқыны қолға үйретіп, жылқы мәдениетін тарту еткен халықпыз. Осыдан 7 мың жыл бұрын біздің арғы ата-бабаларымыз осы қылқұйрықты мынау жылқы жануарын тұңғыш рет қолға үйретіп, мініске пайдаланып, етін жеп, сүтін ішкен халық. Сондықтан біз мына Еуразияның апайтөс далаларын сонау Орхон, Керулен өзендерінен бастап, анау Балканға дейінгі алып территорияны барлығын осы жылқының күшімен алғанбыз», – деді тарих ғылымдарының докторы, профессор Ахмет Тоқтабай.

«Ұлы даланың жеті қырына» сай осы тақырыпты міндет деп санап осы ұстаздарымыз, шәкірттермен, студенттермен бірігіп, осы көрмені ашып отырмыз. Бұл көрменің басты мақсаты ертең біздің шәкірттеріміз үлкен кескіндемелік шығармаларын, мүсіндік шығармаларын атпен байланыстырып салған кезде білуі керек», – деді Т. Жүргенов атындағы Қазақ Ұлттық өнер академиясы «кескіндеме, мүсін және дизайн» факультетінің деканы Бауыржан Байділдә.

Алматы қаласы, 

«Рухани жаңғыру» жобалық кеңсесі

Басқа материалдар

Back to top button