Qazaq termınologıasynyń damýyna óz úlesińizdi qosqyńyz kelse, onda ALAŃǴA tirkelińiz!
“Shaısultan Shaıahmetov atyndaǵy “Til-Qazyna” ulttyq ǵylymı-praktıkalyq ortalyǵy” KeAQ ázirlegen “Termınkom.kz” saıtynda arnaıy platforma iske qosyldy. «Qazaq termınologıasynyń mazmuny men qurylymy» elektrondyq alańy qazaq termınologıasyn jetildirýge baǵyttalǵan. Búgingi tańda «alańda» salalyq termınderdi kópshilik aldynda talqylaýǵa, bekitýge usynylatyn termındermen tanysýǵa, árbir termınge balama retinde óz nusqańyzdy salýǵa, alańda talqylanǵan termınderge daýys berýge, oflaın formatyndaǵy konferensıa arqyly dáris oqýshyǵa suraq qoıýǵa, alańda ornalasqan onlaın semınar jáne konferensıalarǵa qatysýǵa, alańda talqylanǵan máselelerdi áleýmettik jeliler arqyly bólisýge bolady.
Elektrondyq alańda «Bekitýge usynylatyn termınder», «Zamanaýı termınder», «Qor tolyqtyrý», «Semınar – konferensıalar» syndy uıashyqtar ornalasqan. Alańǵa qatysýshylar 3 kategorıaǵa bólingen: 1 – QR Úkimetiniń janyndaǵy Respýblıkalyq termınologıa komısıasynyń músheleri, 2-ortalyq atqarýshy organdardyń til salasyna jaýapty mamandary, 3 – jalpy jurtshylyq. Sondaı-aq elimizdiń Sh.Qurmanbaıuly, Q.Aıdarbek, B.Jonkeshov syndy termınolog ǵalymdary alańnyń sarapshylary bolyp tabylady. Búginde atalǵan «alań» termınderdi kópshilik aldynda talqylaý alańyna aınalyp otyr.
