Қала әкімдігінің тапсырмасымен жарыққа шыққан туынды өскелең ұрпақты елжандылыққа баулып, білімді болуға шақырады.
«Шымкентте «Көне құмыраның сыры» атты анимациялық фильмнің екінші бөлімінің тұсау кесер рәсімі өткен болатын», – деп хабарлайды Ruh.kz
Фильмнің сценарийін елімізге танымал аниматор Батырхан Дәуренбеков жазып шыққан. Сонымен қатар ол анимациялық туындының режиссері де болып табылады. Ал продюсері – Нуриддин Паттеев, композиторы – Руслан Шынықұлов, қоюшы суретшісі – Самат Нұралиев.
Биыл елімізде Әл-Фарабидің 1150 жылдығы мен Абай Құнанбайұлының 175 жылдығы. Туындының мазмұны осы айтулы күндермен тығыз сабақтастық тапқан. Яғни «Көне Құмыраның сыры-2» анимациялық фильмінде Әл-Фараби, Абай сынды Ұлы тұлғалар дәріптеліп, мемлекеттік рәміздеріміз насихатталған.
