Талғар қаласында садақ атудан ерлер мен жастар арасындағы Қазақстан біріншілігі өтті.
Кіл мықтылар иін тірестірген бұл жарыста Алматы облысының спортшылары жеңіс тұғырынан табылды. Жеңімпаздар қоржыны 11 алтын, 4 күміс, 6 қола медальмен толықты.
Екінші орынды 3 алтын, 10 күміс, 4 қола медальмен Шымкент қаласының спортшылары иемденсе, үшінші орынға 3 алтын, 3 күміс, 4 қола медальмен Алматы қаласының құрама командасы табан тіреді.
