Бүгін Ақпарат және қоғамдық даму вице-министрі Болат Тлеповтың төрағалығымен «Рухани жаңғыру» бағдарламасын ақпараттық ілгерілету сұрақтары бойынша бейнеконференцбайланыс арқылы жұмыс кеңесі өтті.
Кеңеске Бағдарламаның өңірлік жобалық кеңселерінің, Министрліктің және «Рухани жаңғыру» қазақстандық қоғамдық даму институтының өкілдері қатысты.
Іс-шара барысында әлеуметтік желілердегі ақпараттық жұмыс және жалпы өңірлік жобалық кеңселердің, Қазақстандық қоғамдық даму институтының «Рухани жаңғыру» бағдарламасы бойынша іске асырып жатқан жобаларын ақпараттық сүйемелдеу мәселелері талқыланды.
Талқылау қорытындысы бойынша ақпарат және қоғамдық даму вице-министрі Болат Тлепов «Рухани жаңғыру» бағдарламасын ақпараттық кеңістікте одан әрі ілгерілету механизмдерін жетілдіру бойынша бірқатар тапсырмалар берді.
