ЖаңалықРедакция таңдауы

Италян тілінің әліпбиі

Шет ел тілдерін үйрену айдарында осы апта Итальян тілін үйренеміз.

Бүгін біз сіздермен бірге итальян тілінің әліпбиімен танысамыз.

Негізгі алфавит 21 әріптен тұрады: бес дауысты (A, E, I, O, U) және 16 дауыссыз. J, K, W, X және Y әріптері тиісті алфавиттің құрамына кірмейді және тек несие сөздерінде кездеседі.

Итальян тілінде оқылу ережесі мейлінше оңай. Көбіне қалай жазылды, солай оқылады: dare — дарэ, fare — фарэ, vela — вела. Әліппелерінде бар-жоғы 21 әріп, ал дыбыс одан көбірек болғандықтан әріптер тіркесі қолданылады. С(-чи) әрпі барлық дерлік жағдайды k болып, i және e әріптерімен тіркескенде t∫ болып оқылады.

H (-акка) әрпі оқылмайды, егер ho деп жазылса, о деп оқылады, hai жазуы — ай деп оқылады.

G (-джи) әрпі барлық дерлік жағдайда г болып оқылады: gomma (гомма) — резина. Дауысты i және e әріптерінің тіркесінде дж болып оқылады: gente (дженте) — адамдар.

S (-эссе) с болып оқылады — sala (сала). Егер екі дауысты дыбыстың ортасында тұрса, з болып оқылады: casa (каза). Sb, sv, sd әріптер тіркесінде зб, зв, зд деп оқимыз.

sbadato (збадато) — алаңғасар, svago (зваго) — сауық-сайран, sdoganare (здоганаре) — кедендік рәсімдеу. Sci, sce әріптер тіркесі шь дауысын шығарады: sciare (шиаре) – шаңғы тебу, scegliere (шельере) — таңдау. Егер екі ss кездессе, ол ылғи сс болады.

Z әрпі – Дз болып оқылады. Zero (дзеро) — нөл, zaino (дзайно) – қоржын (рюкзак). Не болмаса ц ретінде: Enzo (Энцо), prezzo (преццо) — бағасы. Қай кезде ц, қай кезде дз болып оқылатыны жайлы ортақ ереже жоқ.

Gli және gn әріптер тіркесі: Gli қашанда лльи болып оқылады. Еселенген жұмасақ ль дегендей, мұнда g әрпі оқылмайды: Figlio (филльо) – ұл бала, aglio (алльо) — сарымсақ. Назар аударыңыз: gli — g оқылмайды, бірақ lg болғанда лг деп оқылады: volgare (волгаре) — дөрекі.

Gn – ннь болып оқылады, және g оқылмайды: Bagno (банньо) — ванна, gnomo (нньомо) — ергежей. Назар аударыңыз: gn — g оқылмайды, бірақ ng – нг деп оқылады, н аздап мұрынмен айтылады.

Еселенген дауыссыздар

Барлық еселенген дауыссыз дыбыстар міндетті түрде анық та нақты айтылады, себебі бұдан сөздің мән-маңызы ажыратылады:

palla — доп, шар, pala — күрек.

callo — мүйізгек, calo — азайту, төмендету.

polo — полюс, pollo — тауық, әтеш.

Дауысты дыбыстар

Барлық дауысты дыбыстар анық та ашық оқылады, бұл сөздің маңызын ашады. О жазылса, ашық о боп оқылады, а — анық а болып оқылады.

Жалғау

Барлық жалғаулар анық оқылады: poltrona — кресло, poltrone — жалқау, pompeiana — отыратын ванна бөлмесі, pompeiano – Помпеидің тұрғыны және т.б.

Екпін

Итальян тілінде екпіннің көбі соңғы буынның алдынғысына түседі. Дегенмен басқа буындар екпінді болады. Егер соңғы буынға түссе, онда ол қажетті таңбамен белгіленеді: caffè, città, perché.

Басқа материалдар

Back to top button