«Қазақстанның киелі жерлерінің географиясы» жобасы аясындағы «Қазақстанның жалпыұлттық қасиетті орындары» республикалық маңызы бар киелі жерлерінің тізіміне Алматы қаласынан бес нысан ұсынылды.
Атап айтар болсақ, Райымбек батыр кесенесі, «Боралдай сақ қорғандары» қорымы, Қасиетті Вознессенск соборы, А.Байтұрсыновтың музей-үйі мен Республика алаңы. Бұдан басқа, Алматы қаласының жергілікті маңызы бар киелі жерлері жобасы алдағы уақытта іске қосылатын болады. Бұл жоба аясында тізімге 22 киелі орын енгізілген. Ескеретін мәселе, аталған жоба әлі бекітілмеген. Тізімді толықтыру немесе қысқарту – алдағы күндердің еншісінде.
Бүгінде Боралдай сақ қорғандарының эскиздік жобасы жасалынған екен. Келер жылы 450 гектарды құрайтын аумаққа үлкен құрылыс жұмыстары жүргізілмек. Бұдан өзге, қала ішіндегі Райымбек батыр кесенесі «қызыл сызықтың» бойында орналасқан екен. Сондай-ақ, кесене Райымбек батыр қоғамдық қорының атында болған. Жақында қала әкімінің арнайы қаулысымен кесене қала әкімдігінің балансына өтті. Кесененің мемлекеттік актісі дайын болған соң, ол Алматы қаласының музейлер бірлестігінің тізіміне қосылады.
«Қасиетті Қазақстан» ғылыми-зерттеу орталығының жетекшісі Берік Әбдіғалидың айтуынша, еліміздегі киелі орындардың тізімі шенеуніктердің кабинетінде отырып жасалмайды. Оны әр өңірдің жергілікті халқы анықтап береді екен. Өйткені, әрбір нысан сол жердің жергілікті халқының өмірімен тығыз байланысты.
««Қазақстанның киелі жерлерінің географиясы» жобасы адамдардың ішкі рухани-туризмінің дамуына зор үлес қоспақ. Халық, оның ішінде жастар туған жерінің тарихымен танысуына үлкен мүмкіндік алады. Яғни табиғатты тамашалап, ел-жер көріп, көңіл көтеру ғана емес, тәлімдік-тәрбиелік мәні бар, тарихи сананы жаңғыртуға негізделген, туған жер тарихымен танысуына бағытталуымен құнды», – деп толықтырды Берік Әбдіғали.
«Қазақстанның киелі жерлерінің географиясы» жобасы бес жылға жоспарланған. Яғни 2017–2021 жылдарды қамтиды. Осы аралықта әр жыл сайын бір-бір томнан барлығы бес томдық үлкен еңбек «Қазақстанның қасиетті жерлерінің энциклопедиясы» жасалады. Биыл жыл аяғына дейін энциклопедияның бірінші томы жарық көреді. Аталған жинақта Алматы, Астана қалалары мен Ақмола және Алматы облыстарының киелі орындары қамтылады. Алдағы жылдары жоспар бойынша далалық-этномәдени экспедициялар да жасақталады.
Жалпы сала мамандардың айтуынша, «Қазақстанның киелі жерлерінің географиясы» жобасы діни де емес, таза ғылыми жоба да емес. Бұл – Қазақстан тарихында орны бар тұлғалардың, жерлердің тізімін жасау. Киелі орындар тізіміне табиғи ландшафт объектілері, археологиялық және архитектуралық ескерткіштер, ерекше ардақ тұтатын діни нысандар және тарихи тұлғалардың және саяси оқиғалармен байланысты киелі орындар енетін болады.
«Бұл жоба арқылы халыққа рухани құндылықтарымызды насихаттаймыз. Ол нысан қандай тарихи оқиғамен, қандай салт-дәстүрмен, қай кезеңмен байланысты екенін анықтаймыз. Сол арқылы ұрпаққа жат ағымдардың бөтен пиғылына қалқан болатын рухани тәрбиені сіңіру, насихаттау, нығайтуды мақсат етіп отырмыз», – деді Б.Әбдіғали.
Қазақстанның киелі орындары тізіміне енген нысандарда алдағы уақытта туристік бағыттарды дамыту жұмыстары қолға алынады.
«Қазақстанның киелі жерлерінің географиясы» жобасы аясындағы «Қазақстанның жалпыұлттық қасиетті орындары» республикалық маңызы бар киелі жерлерінің тізіміне Алматы қаласынан бес нысан ұсынылды.
Атап айтар болсақ, Райымбек батыр кесенесі, «Боралдай сақ қорғандары» қорымы, Қасиетті Вознессенск соборы, А.Байтұрсыновтың музей-үйі мен Республика алаңы. Бұдан басқа, Алматы қаласының жергілікті маңызы бар киелі жерлері жобасы алдағы уақытта іске қосылатын болады. Бұл жоба аясында тізімге 22 киелі орын енгізілген. Ескеретін мәселе, аталған жоба әлі бекітілмеген. Тізімді толықтыру немесе қысқарту – алдағы күндердің еншісінде.
Бүгінде Боралдай сақ қорғандарының эскиздік жобасы жасалынған екен. Келер жылы 450 гектарды құрайтын аумаққа үлкен құрылыс жұмыстары жүргізілмек. Бұдан өзге, қала ішіндегі Райымбек батыр кесенесі «қызыл сызықтың» бойында орналасқан екен. Сондай-ақ, кесене Райымбек батыр қоғамдық қорының атында болған. Жақында қала әкімінің арнайы қаулысымен кесене қала әкімдігінің балансына өтті. Кесененің мемлекеттік актісі дайын болған соң, ол Алматы қаласының музейлер бірлестігінің тізіміне қосылады.
«Қасиетті Қазақстан» ғылыми-зерттеу орталығының жетекшісі Берік Әбдіғалидың айтуынша, еліміздегі киелі орындардың тізімі шенеуніктердің кабинетінде отырып жасалмайды. Оны әр өңірдің жергілікті халқы анықтап береді екен. Өйткені, әрбір нысан сол жердің жергілікті халқының өмірімен тығыз байланысты.
««Қазақстанның киелі жерлерінің географиясы» жобасы адамдардың ішкі рухани-туризмінің дамуына зор үлес қоспақ. Халық, оның ішінде жастар туған жерінің тарихымен танысуына үлкен мүмкіндік алады. Яғни табиғатты тамашалап, ел-жер көріп, көңіл көтеру ғана емес, тәлімдік-тәрбиелік мәні бар, тарихи сананы жаңғыртуға негізделген, туған жер тарихымен танысуына бағытталуымен құнды», – деп толықтырды Берік Әбдіғали.
«Қазақстанның киелі жерлерінің географиясы» жобасы бес жылға жоспарланған. Яғни 2017–2021 жылдарды қамтиды. Осы аралықта әр жыл сайын бір-бір томнан барлығы бес томдық үлкен еңбек «Қазақстанның қасиетті жерлерінің энциклопедиясы» жасалады. Биыл жыл аяғына дейін энциклопедияның бірінші томы жарық көреді. Аталған жинақта Алматы, Астана қалалары мен Ақмола және Алматы облыстарының киелі орындары қамтылады. Алдағы жылдары жоспар бойынша далалық-этномәдени экспедициялар да жасақталады.
Жалпы сала мамандардың айтуынша, «Қазақстанның киелі жерлерінің географиясы» жобасы діни де емес, таза ғылыми жоба да емес. Бұл – Қазақстан тарихында орны бар тұлғалардың, жерлердің тізімін жасау. Киелі орындар тізіміне табиғи ландшафт объектілері, археологиялық және архитектуралық ескерткіштер, ерекше ардақ тұтатын діни нысандар және тарихи тұлғалардың және саяси оқиғалармен байланысты киелі орындар енетін болады.
«Бұл жоба арқылы халыққа рухани құндылықтарымызды насихаттаймыз. Ол нысан қандай тарихи оқиғамен, қандай салт-дәстүрмен, қай кезеңмен байланысты екенін анықтаймыз. Сол арқылы ұрпаққа жат ағымдардың бөтен пиғылына қалқан болатын рухани тәрбиені сіңіру, насихаттау, нығайтуды мақсат етіп отырмыз», – деді Б.Әбдіғали.
Қазақстанның киелі орындары тізіміне енген нысандарда алдағы уақытта туристік бағыттарды дамыту жұмыстары қолға алынады.
