Алматыда VIII халықаралық BAIQONYR кинофестивалі ашылды

Бұл іс-шара туралы отандық кинотанушы, өнертану ғылымдарының докторы, Қазақстан киносыншылар қауымдастығының президенті Гүлнара Әбікеева өз ойымен бөлісті.

Мұнда басты назар – Baiqonyr фестивалімен, онда көрсетілетін киномен танысу. Егер өткен жылы форумға бес адам келсе, бұл жолы Алматыға түрлі елдерден 20 кинотанушы мен киносыншылар ағылады. Бұл белгілі, күшті, кино жазатын кәсіпқойлардың жиыны! Фестивальдің бес күні олар қарым-қатынасқа ашық, қазақстандық кинематографта қандай да бір маңызды оқиғалар болып жатқанын түсінеді, олар бұл туралы сөйлесуге, басқа елдердегі әріптестерімен бірге ой жүгіртуге, өз әсерлерімен бөлісуге мүдделі. Сондықтан мен форумды, ең алдымен, қазақ киносын кең мағынада ілгерілету мүмкіндігі ретінде көремін, – деді кинотанушы.

Оның айтуынша, фестиваль әлі жарық көрмеген жас кинематографистердің туындыларымен танысуға, сондай-ақ бұрын шығарылған, бірақ басқа елдерден келген кинотанушыларға таныс емес фильмдерді көруге мүмкіндік береді.

Бағдарлама – ол өзінше бір әңгіме, бірақ working progress деген ұғым бар. Бұл түсіріліп қойған, бірақ кинофестивальдерде әлі көрсетілмеген жұмыстар. Baiqonyr форумы дәл осындай фильмдермен таныстыра алады. Мысалы, Елзат Ескендірдің «Әбіл», Дархан Төлегеновтің «Қонақтар», Данияр Саламаттың «Талақ», Кенжебек Шайкаковтың «Айқай», Максим Кодаровтың «Ароматное сердце», Шарипа Оразбаеваның «Тұл» және бес режиссердің қаңтар оқиғалары туралы Qaitalanbasyn фильмі сияқты тамаша картиналары бар.

Сонымен бірге бұрын шығарылған, бірақ басқа елдерден келген әріптестерімізге таныс емес фильмдер бар: Айдын Сахамановтың «Дос-Мұқасаны», Алдияр Байрақымовтың «Паралимпиадашы», Айсұлтан Сейітовтың «Қаш» картиналары. Немесе Сан-Себастьянға шақырту алған Асхат Кучинчирековтың «Бауырына салу» фильмі, – деді Қазақстан киносыншылар қауымдастығының президенті Гүлнара Әбікеева.