«Алтын қалам»: Астанада жазушылардың мәдениетті дамытуға қосқан үлесі аталып өтті
Астанада Еркеғали Рахмадиев атындағы Мемлекеттік академиялық филармония залында шығармашылық зиялы қауымды, жазушылар мен авторларды біріктірген "Алтын қалам" атты салтанатты іс-шарасы өтті. Бұл іс-шара әдебиет қайраткерлерін тану мен құрметтеудің ресми белгісі болды, деп хабарлайды Ruh.kz елорда әкімдігінің ресми сайтына сілтеме жасап.
Мерекелік концертке Астана қаласы әкімінің орынбасары Есет Байкен, қалалық мәслихат төрағасы Ерлан Каналимов, жазушылар, шығармашылық зиялы қауым өкілдері, қоғам және ғылым қайраткерлері, шығармашыл жастар қатысты.
Астана әкімінің орынбасары Есет Байкен құттықтау сөз сөйледі. Өз сөзінде ол мәдени құндылықтар мен дәстүрлерді болашақ ұрпаққа берудің маңыздылығын атап өтіп, әдебиеттің рухани дамуда шешуші рөл атқаратынын атап өтті.
"Алтын қалам" кеші қазақстандық жазушылардың ұлттық мәдениет пен әдебиетті дамытуға қосқан үлесін құрметтеу мен мойындаудың символына айналды. Іс-шара сонымен қатар әдебиет арқылы рухани мұраны сақтау мен мәдени құндылықтарды нығайтудың маңыздылығын еске салады.
