Жаңалық
«Ақ бата» ұлттық салт-дәстүр, ғұрып конкурсы өтті
«Батаменен ел көгерер, жаңбырменен жер көгерер» демей ме, дана халқымыз?! Жезқазған қалалық ардагерлер кеңесінің бастамасымен, Жезқазған қаласы әкімдігінің ұйымдастыруымен 2023 жылдың 5 қазанында Халықтар достығы мен мәдениеті үйінде өскелең ұрпаққа бата беру, бата сұрау әдебін үйрету аясында «Ақ бата» ұлттық салт-дәстүр, ғұрып конкурсы өтті.
Іс шара еңбек ардагері, ауызы дуалы қарт, ел ақсақалы – Ізбасаров Бейсенбайдың ақ батасымен басталды.
Қазылар алқасының шешімімен:
Талап ауылының №14 жалпы білім беру мектебінің «Талап тарландары» тобы I орын,
№1 жалпы білім беру мектебінің «Намыс» тобы II орын,
Талап ауылының №14 жалпы білім беру мектебінің «Ағайындылар» тобы III орын,
Өмірхан Байқоңыров атындағы Жезқазған университетінің «Батыр» тобы мен Білім инновация лицейінің «Болашақ» тобы Арнайы сыйлықты,
№11 жалпы білім беру мектебінің «Бірлік» тобы Ынталандыру сыйлығын иеленді.
Конкурс соңында Қуанышбек ақсақал көпшілікке ақ тілеумен ақ батасын берді.
