Ақжар таулары
![](/storage/storage/element/2021/11/27/mainphoto/gyheeFKinDaELHSBzlnAJwbjudt8naWkJqvm2BeW.jpg?time=1701027054)
Назарларыңызға желіде көп айтылмайтын, мыңдап турист қарсы алмайтын, десе де көз қуантатын қазақ даласының бір парасын ұсынамыз.
Бор дәуірінің Ақжар (немесе Ақжал) аталатын әсем таулары «Жүз естігенше, бір көрген артық» дегенге мысал бола алады.
Бұл жердің сұлулығын түсіну үшін мұнда өз бетінше, дұрысы ұшқышсыз басқарылатын аппарат алып келген жөн.
Себебі, тау сілемінің сұлулығы (кейбіреулер Ақжар – нағыз марстық пейзаж деп айтады) биіктен, әуеден қарағанда ашылады.
Ақжар таулары аса биік емес, оны айнала қоршап жатқан даламен бірден қарама-қарсы түске ауысатын сары-қызыл түсті биік төбелерден тұрады
Таулар гипсті (шоқылардың үстіңгі қабатында кристалданған гипс көптеп кездеседі) қосындысы бар сазды жерлерден құралған.
Сонымен бірге тау сілемінде үлкен жыртқыш құстардың ұялары бар өте үлкен үңгірлерді көруге болады.
Ақжар таулары – адам баласының назарына әбден лайық ерекше нысан.
Сарыарқаның бар асылын бір сапардың желісіне тізіп, Ұлы даланың кереметін толықтай тануға кеңес береміз.
Жол бойымен ұлт ұясы – Ұлытау, Теректі Әулие шатқалы, Жошы хан, Алаша хан, Домбауыл кесенелері және басқа да тарих пен табиғат ескерткіштерін аралап шығуыңызға болады.
Ақжар тауларына бастар сапардың бастапқы нүктесі ретінде Қарағанды облысының Сарлық және Қорғасын ауылдарын атай аламыз.