Астанада «IV ректорлар мектебі» - «АІ дәуіріндегі жаңа университеттер: HR vs AI» форумы өтті

Астана қаласында «Ulttyq Ustaz онлайн академиясы» «IV ректорлар мектебі» - «АІ дәуіріндегі жаңа университеттер: HR vs AI» форумын өткізді, деп хабарлайды Ruh.kz.

Іс-шараға бизнес университеттердің, мемлекеттік сектордың және ҮЕҰ топ-менеджменті, білім беру саласындағы шетелдік сарапшылар, мемлекет және қоғам қайраткерлері қатысты.

Форум «Ulttyq USTAZ онлайн академиясы» жобасы шеңберінде ұйымдастырылған және университеттерде инновациялар мен өзгерістерді енгізуге қабілетті білім беру көшбасшыларының басқарушылық құзыреттерін дамытуға бағытталған, бұл жасанды интеллект дәуірінде ЖОО дамуының жаңа моделін қалыптастыруға мүмкіндік береді.