Астанада «Моана 2» анимациялық фильмінің қазақ тіліндегі тұсаукесер көрсетілімі өтеді
Халықаралық «Қазақ тілі» қоғамының ұйымдастырумен 28 қараша күні сағат 19.00-де Астана қаласы Mega Silk Way ойын-сауық орталығында Disney студиясының «Моана 2» анимациялық фильмінің қазақ тіліндегі тұсаукесер көрсетілімі өтеді, деп хабарлайды Ruh.kz.
Көрсетілімге тіл жанашырлары, қоғам қайраткерлері мен депутаттар, дубляж актерлары мен журналистер, блогерлер қатысады.
«Қазақ тілі» қоғамының ұйытқы болуымен биылдан бастап ірі халықаралық студиялар әлемдік премьераларын қазақ тілінде ұсына бастады. Осы бастама аясында Disney студиясы биыл «Ойжұмбақ 2», «Моана 2», «Муфаса. Арыстан патша» деп аталатын үш фильмін қазақ тіліне аударып, дубляж жұмыстарын қаржыландырды. Қазақ тілінің ірі халықаралық студиялар өз қаражатымен қолдайтын тілдердің қатарына қосылуы – тіліміздің дамуы үшін өте маңызды оқиға. Сондықтан қазақ дубляжы мен мазмұнын бірге насихаттап, кеңінен таратуға шақырамыз!
Өтетін орны: Астана қаласы, Мega Silk Way, Chaplin кинотеатры, Қабанбай батыр, 62
Өтетін уақыты: 28 қараша, сағат 19:00
Фильм трейлері: осы жерден көріңіз
