Ақын, Қазақстан Жазушылар одағы Семей өңірі филиалының төрағасы Мерей Қарт балаларға арналған әдеби байқау бастады. Бұл туралы автор өзінің Instagram парақшасында мәлімдеді.
Байқау балаға рухани күш пен жігер қосуды, оқу, білім, әдебиет, өнерге үйір етуді, қазақ тілініне деген құрметті күшейтуді, есте сақтау қабілетін арттыруды, балалар әдебиетін дәріптеуді мақсат етеді.
Балаларға арналған әдеби байқауға қатысу үшін @merei_qart профилінде тұрған сілтемеге өтіп, кез келген 2️ өлеңді жаттап, мәнерлеп оқып, бейнежазбаны agatai_89@mail.ru поштасына жолдау керек.
Әр жіберілген бейнежазба ұйымдастырушы парақшасында жарияланып, жеңімпаз (бейнероликтің сапасы мен идеясы ескеріле отырып) лүпіл және пікір арқылы анықталады.
Бейнежазбалар ақпан айының 1 жұлдызына дейін қабылданады.
«Мектепте немесе балабақшада балалар оқитын шығармалар сирек. Сондықтан сөзден, іске көштік», – дейді Мерей Қарт.
Байқау жеңімпаздарына «Фолиант» баспасынан шыққан, балаларға арналған, әлем әдебиеті классиктерінің үздік шығармалары сыйға тартылады.
