Balkan mathematical olympiad. Қазақстандық оқушылардың жеңісі
![](/storage/storage/element/2021/11/26/mainphoto/eDj2thDARtpkaYby4PNoE9Kjszi4QMZhUMD7fxxa.jpg?time=1701557742)
Қазақстандық оқушылар халықаралық олимпиадада екі күміс және төрт қола медальді жеңіп алды. Бұл туралы Ruh.kz порталы ҚР Білім және ғылым министрлігіне сілтеме жасай отырып хабарлайды.
Қазақстан құрама командасы 37-ші Балқан математикалық олимпиадасына (Balkan mathematical olympiad) қатысты. Румыния елі ұйымдастырған олимпиада 31 қазан мен 5 қараша аралығында қашықтан өтті. Бұл жарысқа әлемнің 18 елінен 154 оқушы қатысып, бақ сынасты. Балқан математикалық олимпиадасына Қазақстан құрама командасында болған 6 оқушы қатысты.
Балқан математикалық олимпиадасы – Еуропа елдерінің оқушыларына арналған халықаралық математикалық жарыс. Қазақстан Олимпиадаға қонақ ел ретінде қатысты.
37-ші Балқан математикалық олимпиадасының қорытындысы бойынша Ұлттық құрама команда екі күміс және төрт қола медальді жеңіп алды:
Олжабаев Асылбек (күміс);
Сатыбалдин Таир (күміс);
Бектемісов Темірлан (қола);
Сакенов Батырхан (қола);
Тен Юрий (қола);
Сам Фетуллах (қола).
Құрама команда мүшелерін, олардың ата-аналарын және мұғалімдерді жеңістерімен құттықтаймыз!