Фото: Мәдениет және ақпарат министрлігі
Еңбек күні аясында Қазақстанда жастардың қатысуымен дөңгелек үстелдер, бос жұмыс орындары жәрмеңкелері, экологиялық іс-шаралар, кәсіптік бағдар беру кездесулері, «Адал азамат – адал еңбек» диалог алаңдары сияқты 200-ден астам іс-шара өтті, деп хабарлайды Ruh.kz Мәдениет және ақпарат министрлігінің баспасөз қызметіне сілтеме жасап.
Әсіресе, еңбек адамдарын кеңінен насихаттауға баса назар аударылды. Осы мақсатта Абай облысында «Еңбекші жастар – 2024» және Қарағанды облысында «Шебердің қолы алтын» атты фестивальдер өтті.
Сондай-ақ бірқатар өңірлерде «Жасыл ел» жасақтарының сарбаздары жұмыс маусымын салтанатты түрде қорытындылады.
Еңбек күніне арналған іс-шараларға барлығы 2 мыңнан астам жас тартылды.
