Jas Fund: Қарағанды облысының дарынды жастарына қаржылай қолдау көрсетіледі

Қарағанды облысының дарынды жастарына қаржылай қолдау қоры Jas Fund өтінімдер қабылдаудың басталғанын хабарлайды. Өңірдің жас тұрғындары республикалық және халықаралық деңгейдегі көшпелі шығармашылық немесе зияткерлік іс-шараларға қатысуға, сондай-ақ жастардың өздері үшін зияткерлік немесе шығармашылық іс-шаралар ұйымдастыруға мүмкіндіктер алады, деп жазады Ruh.kz.
Жастар шығармашылық ұжымдары мен бірлестіктері, бастамашыл топтар, сондай-ақ 14–34 жас аралығындағы жастардың жекелеген өкілдері (қоса алғанда) өтінім бере алады. Үміткерлерді арнайы комиссия іріктейді.
Жалпы қор – 9 млн теңге.
Өтінімдер электрондық пошта jasfund2025@gmail.com бір PDF-файлмен қабылданады.
Анықтама телефоны: 8-775-987-43-16.
Жобаның мақсаты – жастардың, зияткерлік және шығармашылық клубтардың, облыстың жастар қоғамдастығының дамуына жағдай жасау.