Арнайы жобалар
КОДЕКС КУМАНИКУС I Көне қыпшақ тілінде жазылған сөздік I Дала ренессансы
«Кодекс Куманикус». Латын тілінен аударғанда Құман-қыпшақ кодексі деген мағына береді. Яғни, көне қыпшақ тілінде жазылған сөздік. Еңбектің авторы мен жазылған жылы белгісіз. Түркітану ғылымындағы деректерге сүйенсек, кітаптың түпнұсқасы алғаш рет 1303 жылы көшіріліпті, қолжазбаның бірінші бетіне «1303» деген белгі жазылған. «Кодекс Куманикус» 1828 жылы француз тіліне, 1880 жылы латыншаға, 1884 жылы неміс тіліне аударылған. 1887 жылы Василий Радлов қолжазбаның әр бөлімінен үзіндісін тәржімалайды. Ал, 1936 жылы дат ғалымы Кааре Грёнбек қолжазбаның түпнұсқасын толық басып шығарады. Бұл оқиға зерттеушілерге түпнұсқа еңбекпен жұмыс істеуге мүмкіндік берген болатын.
