25 Маусым, 2020
ҚМДБ жаназа және астарды атқару тәртібін жариялады

Жаназа намаздарын оқуға және астарды өткізуге қойылатын талаптар: 

- Жаназа намазына келуші жамағатқа карантин талаптарын қысқаша түсіндіріп, орындалуын талап ету;
- Дін қызметкері жаназа намазында 5 минуттан артық уағыз айтпау;
- Қабір басында мәйіт жер қойнына қойылғаннан кейін жамағатты тезірек қайтаруға атсалысу;
- Жаназадан кейінгі астарды барынша болдырмауға немесе аз кісі (тек жақын тума-туыстарының) қатысуын насихаттау;
- Дін қызметкері жамағатпен қол алыспау;
- ҚР Санитарлық Бас дәрігерінің 22.05.2020 жылғы №37 ПГВр қаулы талаптарын орындау;
- Дін қызметкерлері мен жаназа намазын оқуға келген жамағаттың міндетті түрде бетперде және медициналық қолғаппен жүруін насихаттау және орындау;
- Жасы үлкен кісілер, денсаулығы нашар адамдар және жас балалар жаназа намаздарына қатыспауы керек
.

ҚМДБ қонақ асы, жетісі, қырқы, жүзі, жылы, еске алу т.б. көпшілік жамағат жиналатын астарды еліміздегі эпидемия жағдайы тұрақталғаннан кейін өткізуге кеңес береді.

Ruh.kz
Фото: ашық дереккөздерден