28 Қараша, 2019
Абай және Рухани жаңғыру

27 қараша күні Алматы қаласы бойынша «Рухани жаңғыру» жобалық кеңсесі Абай атындағы ҚазҰПУ педагогикалық білімді дамыту орталығымен бірлесіп «Ғылым ордасы» Орталық ғылыми кітапханасында «Абай және Рухани жаңғыру» тақырыбында «Рухани жаңғыру» бағдарламасының негізгі бағыттарын іске асыру барысын талқылау үшін сарапшылармен кездесу өткізді.


27 қараша күні Алматы қаласы бойынша «Рухани жаңғыру» жобалық кеңсесі Абай атындағы ҚазҰПУ педагогикалық білімді дамыту орталығымен бірлесіп «Ғылым ордасы» Орталық ғылыми кітапханасында «Абай және Рухани жаңғыру» тақырыбында «Рухани жаңғыру» бағдарламасының негізгі бағыттарын іске асыру барысын талқылау үшін сарапшылармен кездесу өткізді. 

IMG_4206.JPG

Кезекті бас қосудың мақсаты – Рухани жаңғыру үрдісінің мазмұндық және идеялық арқауын Абайдың рухани да асыл мұрасымен байланыстыра және ұлттық құндылықтарды тәрбиенің негізі ретінде ала отырып, іс-шаралар мен жобаларды іске асыруды сараптау болып табылады. 

IMG_4328.JPG

Қазіргі қоғамда жастарымыздың адамгершгершілігі мол, елжанды, креативті, белсенді, өз өмірлік ұстанымы бар, көшбасшылық қасиетке ие, сыни ойлауға қабілетті болуы – ұлт болашағы. Былайша айтқанда ақиқат, сүйіспеншілік, дұрыс әрекет, ішкі тыныштық, қиянат жасамау – бұл мәңгілік бес құндылық адамның ұлтына, ортасына, дініне қарамайтын, уақытпен өзгермейтін құбылыс. Адамның руханияты мен мәдениетінің жиынтығы – ол ата, әжелеріміздің, яғни ғұламалардың даналығы.

Өткен ғасырда айтылған Ұлы Абай атамыздың:

«...Ғалым болмай немене, балалықты қисаңыз?

Болмасаң да ұқсап бақ, бір ғалымды көрсеңіз!

Ондай болмақ қайдаааа деп,айтпа ғылым сүйсеңіз,

Сізге ғылым кім берер, жанбай жатып сөнсеңіз?

немесе, өсек, өтірік,мақтаншақ,

еріншек, бекер мал шашпақ –

бес дұшпаның білсеңіз»,-

деген сөздері бүгінгі өмір талабына, яғни сананың ашықтығы, білімнің салтанат құруы, прагматизм т.б. барлық «Рухани жаңғырудың» бағыттарына тұп-тура келеді. 

IMG_4345.JPG

Кездесуге шақырылған сарапшылар, белгілі ғалымдар, абайтанушылар іс-шара тақырыбын жан-жақты талқылап, белсенділік танытып, алдағы істелетін жұмыс барысына сараптамалық қорытындыларын ұсынды.

Алматы қаласы,

«Рухани жаңғыру» жобалық кеңсесі