1 Қазан, 2020
Алғашқы гемодиализ орталығы ашылды

Кентау қалалық ауруханасында алғашқы гемодиализ орталығы ашылды. 

Бұған дейін бүйрегі ауыратын науқастар ем үшін Түркістан қаласына барған болса, қазір жергілікті ауруханада ем алады. Онда бүйректі тазалап, ағзаның жұмыс істеуін ретке келтіретін заманауи 6 дана «B Braun» аппараты алынған. Орталықта 8 дәрігер бір уақытта 50 науқасқа дейін ем-дом көрсете алады. Қазіргі таңда 18 науқасқа медициналық көмек көрсетілуде.

Гемодиализ бөлімінде 8 қызметкер бар. Олар: орталық меңгерушісі, операциялық менеджер, дәрігер нефролог, аға мейірбике сынды мамандар. Созылмалы бүйрек ауруы кезінде гемодиализ емін науқастар аптасына 3 рет 4 сағаттан алады. Аппарат арқылы бүйрек тазарып, қан айналым реттеледі. 

1.jpg

Бүйрек ауруымен келген науқастарға қалалық реанимация бөлімі тәулік бойы жұмыс істейді. Орталықта гемодиализ процедурасынан өзге науқастарды үйінен алып келіп, қайта үйіне апарып тастау қызметі де көрсетіледі.

Түркістан облысының Өңірлік коммуникациялар қызметі


Сұлтан Мұстафин
Ruh.kz