23 Қараша, 2017
Әскери өмірдің бір күні

Маңғыстау облысында Елбасымыз Н.Ә.Назарбаевтың «Болашаққа бағдар: рухани жаңғыру» бағдарламасы аясында әскери бөлімге кездесу ұйымдастырылды.



««Әскери өмірдің бір күні» тақырыбында мекемелердегі әскер қатарына бармаған жасотандықтар 2201 «Б» әскери бөлімімен және әскери өмірдің бір күнімен танысты. 2201 «Б» бөлімінің офицері Сүлейменов Алмас Қалимолдаұлы жасотандықтарды күтіп алып, бөлімнің ішімен таныстырды. Ауған соғысының ардагері Ходжаев Құралбай өзінің басынан өткен қиындықтарымен бөлісе отырып, видеоролик көрсетілді. Кездесу соңында әскери бөлім офицерлері Сүлейменов Алмас Қалимолдаұлы мен Абильмажинов Арман Қайроллаұлына орталық атынан «Алғыс хат» табысталды. Мәдени-көпшілік шараларға белсенді атсалысқан сарбаздарға Ауған соғысы ардагерлер кеңесінің төрағасы Қ.Ходжаевтың атынан «Алғыс хат» табысталды. Кездесу Ауған соғысының ардагері Құрал ағайдың әдемі әнімен аяқталды», - делінген хабарламада.





Атап өтер болсақ, Елбасы жариялаған бағдарламалық мақаласы әскери бөлім қызметкерлері мен сарбаздарына түсіндіріліп, аудан бойынша кіші бағдарламалар аясында жүзеге асырылған іс-шаралар слайд арқылы таныстырылып, ауданның рухани даму кезеңіндегі шараларға белсенділік танытып, қатысуға шақырды.


ruh.kz