30 Қыркүйек, 2020
Ауыл мектептері жылыжай ұстайды (фото)

Маңғыстаудағы ауыл мектебіндегі жылыжайда қияр мен тәтті бұрыш өседі. 

Маңғыстау ауданындағы Өтес орта мектебіндегі жылыжайда 74 түрлі тропикалық өсімдіктер өседі.

Күн райы-15 градус көрсетіп тұрса да, жылыжай өзіндік температурасын сақтайды. Бұл туралы Сайөтес орта мектебі директорының міндетін атқарушы Гүлсім Нәдірова мәлім етті.

«Маңғыстауда өспейтін тропикалық өсімдіктердің түр-түрі осы жылыжайдан кездеседі. Бұлардың пайдасы лас ауаны сорып, оттегі бөліп шығарады.

120334647_962234857623264_1691310341564023678_o.jpg

Мұндағы тәтті болгар бұрышы да, ерекше гүлдер де, тропикалық елде өсетін пальма ағашын Маңғыстаудан көрудің өзі бір бөлек. Өсімдіктерді баптап оларға күтім жасауға, шәкірттеріне құнды ақпарат беріп, құпиясын ашуға тәрбиелеген мектеп ұстаздарының еңбегі ерен.

Түрлі гүлдерді өсіру арқылы ауыл балаларының экология мәдениетін қалыптастыруға тигізер септігі мол», - деді Сайөтес орта мектебі директорының міндетін атқарушы Гүлсім Нәдірова.

120459591_962234624289954_5694406145147612023_o.jpg

Ерекше күтімді қажет ететін өсімдіктерді 2007 жылдан бері мектеп қызметкері күтіп баптап келеді. Жылыжайда өсетін 74 түрлі өсімдік тамшылата суару әдісі арқылы суарылады.

Оқушылар жылыжай ішіне ғылыми жұмыстар жүргізеді. Айта кетейік, карантинге дейін мұнда өскен қияр мен тәтті болгар бұрышын асханада оқушыларға берілетін тағамдарға пайдаланған. 

Сұлтан Мұстафин
Ruh.kz