26 Қазан, 2017
Қазақтың рух күшінің символы - Серікбол Қондыбай

Маңғыстау облысы Мұнайлы ауданында «Рухани жаңғыру» бағдарламасы «Тәрбие жене білім» кіші бағытының «Отаным – Тағдырым» бөлімінінің «Ғасыр сыйлаған қайталанбас тұлғалар» жобасы аясында өлкетанушы, географ, публицист, этнограф-ғалым Серікбол Қондыбайдың өмірі мен шығармашылығына арналған «Серікболтану» клубы мен кабениеті ашылды, деп хабарлады аймақ әкімдігі.



Серікбол Қондыбай ғұмырының жартысын қазақтың тарихына, мәдениетіне, салт-санасын рухани жаңғыртуға арнап сүбелі үлес қосқан және түбегейлі зерттеуде зор еңбек еткен бірегей тұлға.



Бұл клуб пен  кабинетті ашудағы негізгі мақсат – Серікбол Қондыбайдың әлемдік және отандық мәдени мұралардағы алатын  орнын айқындау, ғалымның мұрасын ғылыми тұрғыдан зерттеп жүрген жастарға қолдау көрсетіп, жас «Серікболтанушылар» мектебін қалыптастыру.



«Шараға аудан әкімі Тәжібаев Нұрлан Төлегенұлы, Мұнайлы аудандық маслихат хатшысы Назар Бердібек Ізтілеуұлы, өлкетанушы Еділхан Алқажан Меделұлы, ардагер ұстаз, өлкетанушы Ақмырзаев Мұрат Мырзағалиұлы, Мұнайлы ауданының құрметті азаматы, өлкеміздің мәдениет майталманы, Серікбол ағамыздың туған апасы Қондыбай Балсұлу Әділбекқызы, Ш.Есенов атындағы университтің доценті, филология ғылымдарының кандидаты Ақбердиева Балкенже Қондыбайқызы, «Өрлеу» біліктілікті арттыру Ұлттық орталығы» АҚ филиалы Маңғыстау облысы бойынша педагогикалық қызметкерлердің біліктілігін арттыру институтының директоры Джумагалиева Индира Таумышовна, Маңғыстау облысы, Ақтау қаласы №22 орта мектеп директоры Нұржамал Қоянбайқызы, Мұнайлы аудандық мемлекеттік мекемелер басшылары, ауыл ақсақалдары және білім беру ұйымдарының директорлар мен мектеп оқушылары қатысты», - делінген хабарламада.


ruh.kz