23 Қараша, 2017
СҚО-да латын әліпбиін үйрету орталығы ашылды

Солтүстік Қазақстан облысындағы Сәбит Мұқанов атындағы облыстық әмбебап ғылыми кітапханасында Латын әліпбиін оқыту орталығы ашылды.



Орталықтың ашылуы онлайн режимде алматылық ҚР Ұлттық кітапханасының Латын әліпбиін оқыту орталығының қызметкерлерімен байланыста өтті.



«Жиналғандар мемлекеттік тілдің реформасы қоғамдық сананы жаңғыртудың маңызды мәселелерінің бірі екенін атап өтті. Латын әліпбиін үйрету орталығында кеңестер, кеңесші қызметкерлермен кездесулер өтеді. Мұнда проблемалар анықталып, олардың шешілу жолдары қарастырылады. Орталық қызметкерлердің ауқымды қызығушылық танытқан аудиториямен үнемі қарым-қатынас орнату орны болады», - делінген хабарламада.



Жалпы, латын әліпбиін үйрету орталығын ашу мақсаты қазақ әліпбиінің латын графикасына көшу процесі туралы ақпараттық түсіндіру жұмыстарын ұйымдастыру болып табылады.



Бұдан басқа, қатысушылардың назарына «Ry'hani' jan'g'yry': Latyn grafikasyna ko's'y' - y'aqyt talaby»-«Рухани жаңғыру: переход на латинскую графику – веление времени» суретті кітап көрмесі ұсынылды. 


ruh.kz