3 Қаңтар, 2021
Түркістанtravel. Өңірдің 7 кереметі

Түркістан өңірі – аңыз бен тарихқа толы мекен. Өңірдің көзбен көруге тұрарлық бірнеше мекенін тілге тиек етпекпіз. 

1500521185_article_b_1500_.jpg

Арыстан баб кесенесі – ХІІ ғасырда негізі қаланған Түркістан облысындағы киелі орындардың бірі. Арыстан баб – Қожа Ахмет Ясауидың ұстазы. Осыған орай халық арасында «Арыстан бабқа түне, Ясауидан тіле» деген түсінік қалыптасқан.

Khodza-Ahmed-Jassawi-Mausoleum_5-fot.-J.Montusiewicz1.jpg

Қожа Ахмет Ясауи кесенесі – әлемнің сегізінші кереметі аталған сарайлар мен ғибадатханалардың кешені. Кешенде қазақ хандары, биелрі мен билеушілері, батырлары мен басқа да тарихи тұлғалар жерленген.

BHVbEpQBfwQ.jpg

Ақмешіт әулие үңгірі – Орта Азиядағы ең үлкен үңгірлердің бірі. Үңгірдік ішінде түрлі өсімдіктер өседі. Шырақшының айтуынша үңгірде (кісі аяғы көбеймей тұрып) үкілер мекендеген.

12662701.jpg

Үкаша ата құдығы – 28 метр тереңдікте жатқан киелі құдық. Құдық кез келген адамға су бермейтінімен ерекшеленеді. Киелі мекен қазіргі күні туристер көп баратын орынға айналған.

719983_1505070586_940_498_0.jpg

Домалақ ана кесенесі – Қаратаудың күнгей бетінде, Балабөген өзенінің аңғарында ел ішінде Домалақ ана атанған Нұрила Әли Сыланқызының зиратына тұрғызылған тарихи нысан. Халық арасында Домалақ ана кесенесінде екі қасиетті тас бар, осы екі тастың арасынан тек жаны таза адам ғана өте алады деген аңыз бар.

59a6b98753bbc.jpg

Сауран қаласы – жеті қабат дуалмен қоршалған, ішінде рабат, мешіті бар ХІІ ғасырдағы ірі сауда орталығы.

2018_12_07_2c5022b062900de2640e70191ad88306.png

Жылаған ата үңгірі – Жылаған ата өзені бойында орналасқан үңгір. Үңгірде диаметрі 15-18 см болатын қуыс бар. Осы қуыстан келушінің ниетіне қарай оқтын-оқтын шу ағады.

Сұлтан Мұстафин
Ruh.kz