25 Наурыз, 2020
Танымал жаттықтырушы астана тұрғындарына тегін онлайн-дәріс өткізеді


Карантин енгізілуіне байланысты астаналық тұрғындардың көпшілігі аспаздық, тігін, би және спорт жаттығуларына арналған онлайн-дәрістерге көп ден қоя бастаған, деп хабарлайды «Мәдениет порталы» елорда әкімдігінің ресми сайтына сілтеме жасап.
Карантин енгізілуіне байланысты астаналық тұрғындардың көпшілігі аспаздық, тігін, би және спорт жаттығуларына арналған онлайн-дәрістерге көп ден қоя бастаған, деп хабарлайды елорда әкімдігінің ресми сайты. Қазақстандағы Street Workout мектебінің негізін қалаушы әлеуметтік желі арқылы төзімділік пен жылдамдықты арттырып, бұлшық еттерді жаттықтыруға арналған онлайн-дәріс өткізеді. Street Workout бойынша әлемнің және ҚР бірнеше дүркін жеңімпазы Айтым Жакупов «Біз біргеміз» акциясы аясында елорда тұрғындарына тегін спорттық онлайн-дәріс ұйымдастыратынын айтты. «Баршаңызды спортпен шұғылдануға шақырамын. Осы челленджді еліміздің барлық спортшыларына жолдаймын. Біз бірге үлкен күшпіз. Біз біргеміз», - деді Айтым Жакупов. Спортшының айтуынша, спорттық онлайн-дәрістер оның әлеуметтік желідегі ресми парақшасында (@aitymzhakupov) апта сайын өткізілетін болады. Індетпен күресіп жатқан осынау қиын-қыстау уақытта танымал қоғам және мәдениет қайраткерлері, танымал спортшылар мен блоггерлер барша отандастарымызды қолдап онлайн-дәрістер өткізуде, көңілге медеу беретін жылы лебіздерін жолдап, ән жазып, әлеуметтік желілерде жазбаларын арнауда. 

madeniportal.kz