19 Қараша, 2020
ХХІ ғасырдағы қазақ философтары

Бүгін – Бүкіләлемдік философия күні

Философия күніне орай назарларыңызға жаңа ғасырдағы бірнеше қазақ философтарын ұсынамыз.

Ғарифолла Есім – ғалым, философия ғылымдарының докторы. Өткен ғасырдың 80-жылдары әдеби сынға белсене араласып, басылымдарға көптеген мақала жариялап тұрған. Ол мәдени және әлеуметтік тұрмыс тақырыбына қатысты 300-ден астам публицистикалық, ғылыми-танымдық мақалалар жазған. Философиялық новелла және эссе жанрына көп еңбегі сіңді. Философиялық проза жанрда жазылған шығармалары: «Таңсұлу», «Күнә», «Көсем-Көкжал», «Бөгде сезім» және т.б.

Ғарифолла Есім.jpg

Амангелді Айталы – ғалым, мемлекет және қоғам қайраткері, ҚР Әлеуметтік ғылым академиясының академигі, философия ғылымдарының докторы. Ол 100-ден астам ғылыми мақалалар мен 5 монографияның авторы. Философ этносаясат, этноәлеумет және дінтану салаларында қалам тербеген.

Амангелді Айталы.jpg

Марат Хасанов – профессор, философия ғылымдарының докторы. Ол 80-нен аса ғылыми еңбек пен 2 монография жазған. Сондай-ақ 1987 жылы «Целое и часть как категории материалистической концепции развития» тақырыбында докторлық диссертация қорғаған.

Дандай Ысқақұлы – сыншы, философия ғылымдарының докторы. Ғалым «Мұхтар Әуезов. Талант пен тағдыр», «Мұхтар Әуезов хақында мақалалар» атты еңбектердің авторы. Ол Алаш қайраткерлерінің қазақ әдебиеті сыны тарихындағы орнын дәйектеуге елеулі үлесін қосты.

Дандай Ысқақұлы.jpg

Бисембай Қолымбаев – профессор, философия ғылымдарының докторы. Философ 50-ден аса ғылыми еңбектің және 3 монографияның авторы.

Болат Байжігітов – өнертанушы, философия ғылымдарының докторы. Ол 60-тан астам ғылыми еңбектің, 2 монографияның, сондай-ақ бірнеше кітаптың авторы.

Жұмат Тілепов – ғалым, профессор, философия ғылымдарының докторы. 160 ғылыми мақала, 7 ғылыми монография және бірнеше оқу құралдарының авторы.

Сәбетқазы Ақатай – философия ғылымдарының докторы. Профессор 400-ден астам ғылыми еңбектің, 9 монографияның авторы.

Дәуренбек Құсайынов – философия ғылымдарының докторы. Ол 50-ден астам ғылыми еңбек пен «Ж.Аймауытовтың мұрасындағы адам және қоғам мәселелері» атты монографиясын жазған.

Гүлжәмиля Мейірова – ғалым, философия ғылымдарының докторы. Ғалым 50-ден аса ғылыми еңбек пен оқу құралдарының авторы.

Аружан Мырзатай
Ruh.kz
Фото: ашық дереккөздерден