Адамға күн сайын түрлі бағыттағы мүмкіндіктер беріледі. Кейде оны өзің байқамай қаласың. Бірақ жіті назармен барлығын өз бақылауында ұстайтын азаматтар мүмкіндіктерді қалт жібермей пайдаланып, жетістіктерге жетіп жатады.
Сен – жетістікке жетуге лайықсың! Алдымен бойыңдағы кереғар қасиеттерден арыл. Кейіннен өзіңді қатаң бақылауда ұстап, өз-өзіңмен сұхбаттасуды үйрен. Бұл – жетістікке жетудің алғышарттары.
Әгәрәки кімде кім өз-өзін қатаң тәртіпте ұстап, еңбекке ұмтылса, армандай біліп, айқын мақсат қойса, мақсатына жоспарлы түрде жетуге әрекет етсе, сол жетістікке жетеді. Бұл сөзімізге әлемдік дәрежеде осындай дағдыларды қалыптастыру арқылы жетістікке жеткен адамдардың, кәсіпкерлердің ғұмыр жолдары куә.
Егер жетістік шыңын бағындырғың келсе, мүмкіндігіңді пайдалана біл! Өмірдегі барлық адамның басты мақсаты – жетістікке жету.
Мүмкіндік, мақсат, жоспар, еңбек және жетістік шыңы!
