Экологиялық мәселелер қашан да өзекті. Адамзат белгілі проблемалар мен алысып-ақ жатыр. Солардың бірі – пластик.
Біз күнде тұтынатын қарапайым пластиктің табиғатқа тигізер зияны көп. Осы материалдан бас тарту – экологияға танытқан теңдесі жоқ жанашырлығымыз болар еді. Сонымен пластиктен бас тартудың 5 себебі:
- Пластик тағам мен сусындарға зиянды химиялық заттарды сіңіреді.
Пластмасса, әсіресе ыстыққа ұшырағанда, тағам мен сусындарға химиялық заттарды сіңіреді. Ол сондай-ақ балқытылған кезде (пластмасстан жасалған ыдыс-аяқтар) немесе қыздырылған кезде контейнердің өзі біртіндеп құлайды – оның беті кедір-бұдыр болып кетуі немесе тамақ қалдықтары мен микробтар жиналатын микрокрактар пайда болуы мүмкін.
- Микропластиктер ауыз суды ластайды.
Микропластик – ұзындығы бес миллиметрден аспайтын кішкене платсмасса бөлшектері. Шағын өлшемді болғандықтан, көптеген сүзу жүйелері оларды сүзіп шығара алмайды. Осылайша үйде пайдаланатын ағынды суға араласады.
- Пластик жыл сайын миллиондаған теңіз жануарларына зиян келтіреді.
Жылына 8,8 млн тонна пластик мұхитқа түседі. Пластикалық ластануының өте жоғары деңгейіне байланысты жыл сайын теңіз жануарларының кей түріне жойылып кету қауіпі төніп тұр. БАҚ беттерінде дельфиндер, киттер, теңіз құстары, планктон, тасбақа және басқалары сияқты 700-ге жуық түр зардап шеккені туралы хабарланды.
- Пластик жаңартылмайтын заттардан жасалады.
Пластмассаны өсімдік тектестерден жасау мүмкін болғанымен, көбісі табиғи газ немесе нафта (мұнай өңдеудің қосымша өнімі) сияқты қазба материалдарын қолдану арқылы жасалады.
- Барлық пластиктің тек 9% өңделеді.
Сәтті «өңделген» пластик шын мәнінде өңделмеген болып табылады. Пластиктің жасалған жолына байланысты оны бастапқы формасына қайтару мүмкін емес.
