«Нұр Отан» партиясының Қарағанды қалалық филиалы Н.В. Гоголь атындағы әмбебап ғылыми кітапханасында ақпараттық-насихаттау тобы мүшелерінің сол мекеме қызметкерлерімен кездесуін ұйымдастырды. Кездесудің басты мақсаты – мемлекеттік тілдің латын графикасына көшуін түсіндіру. Спикерлер қазақ әліпбиін латын әліпбиіне ауыстырудың маңыздылығы туралы айтты, деп хабарлайды https://bnews.kz/kz“>Вnews.kz.
«Бұл мәселе мемлекетіміз үшін қажет. Өйткені латынға ауысу тіліміздің дамуына, халықаралық мәдени байланыстардың нығаюына көсектеседі. Нақты және жаратылыстану ғылымдарының, көркем әдебиеттің үздік еңбектері дәл осы латын қарпімен жазылғанын ерекше атап өткім келеді», – деді «Нұр Отан» партиясының Қарағанды қалалық филиалы төрағасының бірінші орынбасары Юлия Бадина.
Кездесуге қатысушылар латынша әліпбиді енгізу кезеңдері, мерзімдері туралы сұрақтар қойды. Ақпараттық-насихаттау тобы мүшелері айтқандай, латындандыру 2025 жылға дейін жүргізіледі.
Кітапхана қызметкерлері өткізілген кездесудің арқасында кең ауқымды, мазмұнды ақпарат алды.
«Әліпбиді латындыру секілді түйінді мәселе барлық деңгейде талқылануда, бұл өте жақсы. Осы үдеріс ашық түрде өтуде. Барлық аспектілер жан-жақты ескерілуде», – деді облыстық кітапхана директоры Дина Аманжолова.
«Біз бәріміз орыс әліпбиіне және орыс тіліне үйреніп кеткенбіз. Алайда оның әлем бойынша ең қиын тілдердің бірі болып саналу фактісін жоққа шығаруға болмайды. Белгілі себептерге байланысты ол бізге ғана жеңіл болып көрінеді. Ал, мәселен, шетелдіктер өзара түсінісуі мен қолдануына өте күрделі. Латын әліпбиі, әсіресе, ғаламтор мен IT-технологиялардың қарқынды дамуына орай соңғы жылдары нағыз жалпы қолданыстық және халықаралық графикаға айналды деп батыл айтуға болады», – деп атап көрсетті Қарағанды мемлекеттік техникалық университетінің доценті, филология ғылымдарының доценті Сәуле Нұрпейісова.
