Қазақстанда ерекше қажеттілігі бар қанша адам тұрады?
Республикада 705 мыңнан астам ерекше қажеттіліктері бар адам тұрады. Бұл туралы ҚР Еңбек және халықты әлеуметтік қорғау министрлігі мәлімдеді.
![](/storage/storage/element/2022/10/07/mainphoto/ubCDxWvWUxAMOMo6xKF12byKVsyqTxX35vboiRZm.jpg?time=1702223343)
Бүгінгі таңда Қазақстанда тұратын 705 мың мүмкіндігі шектеулі адамның 421,5 мыңы еңбекке қабілетті жаста (59,8%), 181,9 мыңы зейнеткерлік жаста (25,8%) және 101,6 мыңы 18 жасқа дейінгі балалар (14,4%).
2022 жылғы 1 қазандағы жағдай бойынша мүгедектігі бойынша мемлекеттік әлеуметтік жәрдемақыларды (бұдан әрі – МӘЖ) алушылардың саны 534,6 мың адамды құрайды. 2022 жылдың қаңтар-қыркүйек айлары аралығында республикалық бюджеттен мүгедектігі бойынша МӘЖ төлеуге 254,5 млрд теңге бағытталды.
Мүмкіндігі шектеулі адамдарға арнаулы әлеуметтік қызметтерді 700-ден астам мемлекеттік ұйым ұсынады, оның ішінде:
– стационарлық үлгідегі 116 мемлекеттік медициналық-әлеуметтік мекеме;
– 87 мемлекеттік күндізгі күтім орталығы;
– 29 мемлекеттік оңалту орталығы;
– 493 үйде әлеуметтік көмек көрсету бөлімшесі.