Жаңалық
Редакция таңдауы
Қазақстандық пара бишілер халықаралық турнирде төрт медаль жеңіп алды
Елордалық пара бишілер халықаралық лицензиялық турнирде 1 алтын, 1 күміс, 2 қола медаль иеленді, деп хабарлады Астана әкімдігінің ресми сайты.
5-6 тамыз аралығында Токио қаласында арбамен билеуден халықаралық лицензиялық жарысқа 18 елдің спортшылары қатысты. Ел намысын Ардақ Отарбаев, Севда Әлиева, Айдана Бегленова қорғады. Жарыс нәтижесі бойынша Ардақ Отарбаев пен Севда Әлиева – DUO FREESTYLE CLASS 1 би санаты бойынша 1-орын, DUO STANDART CLASS 1 санатынан 2-орын алды.
Ардақ Отарбаев пен Айдана Бегленова COMBI LATIN CLASS 1 би санатынан қола жүлдені иеленді.
Ардақ Отарбаев – MAN FREESTYLE CLASS 1 санатынан 3-орынды иеленді.
Айта кетейік, аталмыш жарыс арбамен билеуден әлем чемпионаты алдындағы лицензиялық жарыс болып есептеледі.
