Қазақстандықтар қандай айлықты қалайды?
![](/storage/storage/element/2021/11/28/mainphoto/jRO9zA5Rp5K2eMFO5Eq1Ee6CcYUVrJ9JNpQeHhWB.jpg?time=1701551824)
Қазақстандық жұмыс іздеушілердің көпшілігі айына 100 000 теңгеден 200 000 теңгеге дейін табыс тапқысы келеді.
GorodRabot.kz бос жұмыс орындарын іздеу жүйесін зерттеу нәтижелері бойынша, қазақстандық жұмыс іздеушілердің 64%-ын 100 мың теңге мен 200 мың теңге аралағындағы жалақы мөлшері қанағаттандыратын көрінеді.
Сұралғандардың 18%-ы айына 200 000 теңгеден 300 000 теңгеге дейінгі жалақы алуды қалайды.
Сауалнамаға қатысушылардың 4%-ы 300 000 – 400 000 теңге жалақы алғысы келеді, ал 8%-ы 400 000 теңгеден 500 000 теңгеге дейін ақша тапқысы келеді.
Айына 500 000 теңгеден астам ақша табу – жұмыс іздеушілердің 6 пайызының мақсаты.
Сауалнама GorodRabot.kz сайтында және іздеу жүйесінің әлеуметтік желілерінде өтті. 2021 жылғы 6-12 қыркүйек аралығында сауалнамаға Қазақстанның 1350 тұрғыны қатысты.
Сайт көрсеткіші бойынша 2021 жылдың қыркүйек айында Қазақстанда 12 000-ға жуық бос жұмыс орны бар.
Олардың 15%-ында жалақы 60 мыңнан 100 000 теңгеге дейін көрсетілген, бос орындардың 42%-ы 100 мыңнан 200 000 теңгеге дейін жалақы ұсынады.
Жұмыс берушілердің 9%-ы 300 мыңнан 500 000 теңгеге дейін, ал 4%ы айына 500 000 теңгеден артық төлеуге дайын.
Сату менеджерлері, сатушылар-кеңесшілер, бухгалтерлер, жүк тиеушілер, күзетшілер, кеңсе менеджерлері, сауда өкілдері, жұмысшылар мен экспедитор жүргізушілері үшін жұмыс жетерлік.