Құқықтық сауаттылық айлығы басталды
![](/storage/storage/element/2021/11/28/mainphoto/eG6oucHF7qJ0ARuA8Co4XkLoAziMCaFGMo9wfLqb.jpg?time=1712140081)
Алматы қаласы бойынша «Рухани жаңғыру» жобалық кеңсесінің бастамасымен «Құқықтық мәдениет» арнайы жобасы аясында құқықтық сауаттылық айлығы басталды.
2020 жылы ҚР Үкіметі «Рухани Жаңғыру» бағдарламасын іске асыруға қосымша 4 арнайы жобаны енгізді, олардың қатарында – «Құқықтық мәдениет» арнайы жобасы бар.
Жобаның басты мақсаты – Қазақстан халқының құқықтық мәдениеті мен құқықтық санасын қалыптастыру, құқықтық мінез-құлық дағдыларын ілгерілету.
Бүгін Өңірлік коммуникациялар қызметінде Баспасөз конференциясы өтті. Ұйымдастырушылар құқықтық сауаттылық айлығын өткізудің мақсаты мен тәртібі туралы айтып берді.
2 тамыздан бастап қаланың барлық 8 ауданында кәсіби медиаторлар мен тәжірибелі заңгерлер бекітілген кестеге сәйкес ONLINE/OFFLINE форматында қызығушылық танытқан азаматтар үшін тегін құқықтық кеңестер береді.
Сондай-ақ, айлық барысында құқықтық сала мамандары, ҮЕҰ өкілдерінің және т.б. қатысуымен онлайн семинарлар мен конференциялар өткізу жоспарланған.