Жаңалық
Редакция таңдауы
Қыстыгүні өрттің алдын алу жолы: Құтқарушылар кеңесі
Астана қаласының Коммуникациялар қызметінде өткен брифингте қалалық Төтенше жағдайлар департаменті Мемлекеттік өрт бақылау басқармасы басшысының міндетін атқарушы Ажар Рүстемова қауіпті жағдайларды болдырмаудың жолын айтты, деп хабарлайды Ruh.kz елорда әкімдігінің ресми сайтына сілтеме жасап.
Елордада жылыту маусымында өрт саны мен оның қаупі артады. Құтқарушылар азаматтарды пеш жабдықтары мен өзге де жылыту құралдарына мұқият болуға шақырады.
Алдағы жылыту кезеңін қауіпсіз өткізу үшін мынадай ережелерді сақтау керек:
- жылыту жүйелерін алдағы жылыту кезеңіне жөндеу және дайындау;
- түтін құбырларын, түтін мұржаларын және жылыту пештері мен жүйелерінің басқа элементтерін күйеден тікелей жылыту маусымы кезінде басталар алдында, сондай-ақ кемінде үш айда бір рет тазалау;
- электр сымдарына тексеру жүргізу, тозған және уақытша схема бойынша төселген электр сымдарын ауыстыру жөнінде шаралар қабылдау;
- электр желілерін шамадан тыс жүктемеңіз, жылыту үшін стандартты емес электр жылыту құралдарын пайдаланбаңыз;
- пештерді теспеңіз, жанғыш материалдарды, кірлерді жанып жатқан пештің үстіне кептірмеңіз;
- аула аумағын құрғақ шөптен және жанғыш қоқыстардан тазарту, күл жинау үшін қауіпсіз орынды алдын ала анықтау;
- балаларды үйде ересектердің қарауынсыз қалдырмаңыз;
- қызмет көрсететін компаниялар қаланың коммуналдық-тұрғын үй қорының шатыр және жертөле үй-жайларына кіруді шектеу жөнінде шаралар қабылдау қажет;
- жалпы қолжетімді орындарда өрт қауіпсіздігінің сақталуын қамтамасыз ету, өртке қарсы қорғау жүйелеріне уақтылы және сапалы техникалық қызмет көрсетуді жүргізу, эвакуациялау жолдары мен өрт техникасына арналған кірме жолдарды бөгемеу, сыртқы өртке қарсы сумен жабдықтау көздерін ақаусыз күйде ұстау.
Есіңізде болсын, өртті сөндіруден гөрі алдын алу оңай. Бұқаралық ақпарат құралдары мен блогерлерді төтенше жағдайлардың салдарын айтып қана қоймай, қауіпсіздік мәдениетін қалыптастыру проблемасына жұрт назарын аударғымыз келеді, – деп Ажар Рүстемова сөзін түйіндеді.
