Рақмет, саған Әліппем!
Астана қаласы Б.Майлин атындағы №52 мектеп-гимназиясының 1 «К» сынып оқушылары әліппемен қоштасты, деп хабарлайды Ruh.kz.
Салтанатты шара оқушылардың әліппеден алған білімдерін ортаға салу, оқушыларды ана тілі оқулығымен таныстыру және өзін-өзі басқаруға үйрету, баланың бойында өзін қоршаған ортасына, мектебіне, еліне деген құрмет сезімін дамыту мақсатында өтті.
Шара соңында мектептің тәрбие ісі жөніндегі директордың орынбасары Аппазова Ләйлә Сағиқызы:« Бұндай шаралар ана тілімізді дәріптеу, ұлттық құндылығымызды насихаттау, оқушыларға жастайынан көпшілік ортамен араласу, ұжымдық ортада өзін-өзі ұстауы жағынан көп көмегін тигізеді» деп қатысушыларға өз алғысын білдірді.
Сынып жетекшісі Дауа Омирзакова: «Бүгін 1-сынып оқушылары өздерінің сүйікті Әліппелерімен қоштасып отыр. Кеше ғана мектеп табалдырығын имене аттаған жас бүлдіршіндер бүгінгі саналы оқушы болып, барлық ғылымның атасы, біздің болашағымыздың негізі – Әліппені бітіріп отыр. Оқушылар әліппені жақсы меңгеріп, сауатты жазып, оқып үйренді. «Әліппемен қоштасу» кеші өте қызықты өтті. Бұл мектеп ұстаздары, ата–аналар, оқушылар үшін маңызды сәт болып есте қалмақшы» деді.