Бабалардан қан арқылы берілген батырлық пен тектілік – біздің қазақтың бөлінбейтін еншісі. Демек, сен де – батырсың!
Батыр болу өзгенің басын жарып, қолын сындыру емес. Ең жаужүрек адам – ол өзін жеңген адам. Сен де осы заманның ақылы асқан дара батыры бол.
Батырлық ол – тәуекел ете білу. «Көз қорқақ, қол батыр» деп кез-келген істі бастап кететін ұлттың ұрпағына тәуекелсіз болу жараспайды. Тәуекел ет!
Бүгінгінің нағыз батыры ол – білімді адам. Өзіңнің білетініңді кеңейт. Білім ал! Оқы!
Міне, батырлық шеңбері тек майдан даласында ғана жүретін ұғым емес. Сондықтан, адам бол! Оқы! Тәуекел ет!
