Жаңалық
Редакция таңдауы
Ыстамбұлда жас қазақ жазушысының кітабы таныстырылды
Түркиядағы қазақ диаспорасының едәуір бөлігі тұратын Зейтінбұрны ауданында Абай атындағы жалпы білім беретін орта мектебінде түрік тілінде «Тақиялы құс» кітабының тұсаукесері өтті, деп хабарлайды Ruh.kz.
Фото: СІМ
Кітаптың авторы – он үш жасар қазақстандық жазушы Дінмұхаммед Іңкәр.
Бұл кітапта әлемдегі, Орталық Азиядағы және Арал теңізі аймағындағы климаттың өзгеруі ертегі түріндегі көркем әңгіме, оның ішінде Қазақстан географиясының тұсаукесері арқылы сипатталған.
Іс-шарада Бас консул Нұриддин Аманқұл, мектеп директоры Энес Даглы және баспа басшысы Шереф Йылмаз сөз сөйледі.
Н. Аманқұл мұндай іс-шаралар мәдениет пен әдебиетті дамытуда, сондай-ақ екі ел арасындағы бауырластық қатынастарды одан әрі дамытуда ерекше рөл атқаратынын атап өтті.
Жиын соңында Бас консул Дінмұхаммедке шығармашылық табыс тіледі. Ол болашақта қазақ әдебиетін дәріптеу үшін Абай атындағы мектеппен бірлесіп бірнеше іс-шаралар өткізу жоспарланып отырғанын атап өтті.
