Орналасқан жері: Еңбекшіқазақ, Райымбек, Ұйғыр аудандарындағы Шарын өзенінің төмен ағысында.
Қысқаша мәлімет: Жартасты табиғи өңір; палеоген дәуірінен келе жатқан бірден-бір табиғат ескерткіші. Каньон оңтүстік-батыстан солтүстік-шығысқа қарай Шарын өзінің бойымен 154 км-ге созылған. Жартастарының биіктігі 150 – 300 м-ге дейін жетеді. Шарын өзенінің аңғарында Шаған тоғайы сақталған. Мұндай тоғай дүние жүзінде АҚШ-тағы Колорадо штатындағы Үлкен каньон мен осы Шарын каньонында ғана кездеседі.
