Биыл Қазақстан халқы алапат апатты бастан кешті. Мұндай көлемдегі су тасқыны соңғы 80 жылда болмаған.
Еліміздің он аймағында - Абай, Ақмола, Ақтөбе, Атырау, Батыс Қазақстан, Қарағанды, Қостанай, Павлодар, Солтүстік Қазақстан және Ұлытау облыстарында төтенше жағдай жарияланды. Шығыс жұрты да қызыл судың қыспағында қалды.
Осынау жойқын құбылыс қайдан келді, қалай келді? Тасқын нені талқандап кетті? Селден нендей секем алдық? Ойрандалған дүние-мүліктің орны толды ма? Біз осы сұрақтарға жауап іздедік. «ТІЛСІЗ ҚИЯПАТ» атты деректі фильмдер топтамасының «ТЕГЕУРІНДІ ТЕРІСКЕЙ» аталатын бөлімін назарларыңызға ұсынамыз.
