100 оқулық: Медиа туралы кітап аударылды
Медиаға мінсіз мәтін жазу қағидаларымен таныстыратын кітап жарыққа шықты
«Телевизия, радио және жаңа медиаға мәтін жазу» (Writing for Television, Radio, and New Media) – сценарий жазу шеберлігімен таныстыратын еңбек.
«100 жаңа оқулық» жобасы аясында қазақ тіліне 11-басылымы аударылып басылды. «Телевизия, радио және жаңа медиаға мәтін жазу» оқулығының жарыққа шыққанына биыл 58 жыл толды.
Авторы – Роберт Л. Хиллиард. Медиадағы қызметі спорт тілшісі ретінде басталған. Екінші дүниежүзілік соғыстан кейін радиода сценарист-диктор, телевизияда сценарист-режиссер болған.
Кітап туралы
1. Оқырманға түсінікті әрі жеңіл тілмен жазылған;
2. Телевизия мен радио сценарийлерінің айырмашылығын, онлайн медиа мен әлеуметтік медиа мәтіндерінің ерекшелігін түсіндіреді;
3. Медиаға мәтін жазу қағидаларын үйретеді;
4. Студенттерді сценарий жазудың негізгі принциптеріне, әдіс-тәсілдеріне баулиды;
5. Камера ракурсы, пландардың қойылуы, композициялық шешім, кейіпкер, монтаж, дыбысты ойнату сынды дүниелердің алғышарттарымен таныстырады;
6. Нәсілдік және этностық топтарға, әйелдер мен балаларға және түрлі өмір салтын ұстанатын адамдарға арнап сценарий жазуға қатысты ұсыныстар да қамтылған.
Қазақ тіліндегі басылымын әзірлеген шығармашылық топ
Аудармашылар:
Арайлым Шералы – әлеуметтік ғылымдар магистрі;
Әлия Тілеужанқызы – әлеуметтік ғылымдар магистрі;
Талғат Жолдасұлы – тарих ғылымы магистрі;
Дәурен Дариябек – әдеби редактор,журналист, дінтану бойынша философия докторы (PhD);
Мұхтар Сеңгірбай – ғылыми редактор, саясаттану бойынша философия докторы (PhD).
Кітап медиа саласына қызығатын оқырман үшін пайдалы болмақ.