Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy» komersıalyq emes aksıonerlik qoǵamy
«Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy» komersıalyq emes aksıonerlik qoǵamy eń alǵash Qazaqstan Respýblıkasy Úkimetiniń 1999 jylǵy 9 qazandaǵy № 1545 qaýlysyna sáıkes “Respýblıkalyq memlekettik tildi jedeldetip oqytý ortalyǵy” respýblıkalyq memlekettik qazynalyq kásiporyn bolyp quryldy. Bul respýblıkalyq ortalyqta eń alǵash qoǵam qaıratkeri Shaısultan Shaıahmetuly Shaıahmetov basshy boldy. Kásiporynnyń qyzmetiniń negizgi nysany memlekettik qyzmetshilerge qazaq tilin ıntensıvti oqytýǵa barlyq qajetti uıymdastyrýshylyq jáne materıaldyq-tehnıkalyq jaǵdaılar jasaýdy uıymdastyrý, sondaı-aq ony oqý-ádistemelik jáne ǵylymı qamtamasyz etý bolyp belgilengen.
Qazaqstan Respýblıkasy Úkimetiniń 2008 jylǵy 14 qańtardaǵy №12 qaýlysyna sáıkes Qazaqstan Respýblıkasy Mádenıet jáne aqparat mınıstrligi Til komıtetiniń “Shaısultan Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵy” respýblıkalyq memlekettik qazynalyq kásiporny bolyp qaıta quryldy.
Qazaqstan Respýblıkasy Úkimetiniń 2018 jylǵy 31 naýryzdaǵy №151 qaýlysyna sáıkes «Shaısultan Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy» aksıonerlik qoǵamy bolyp qurylyp, dál osy qaýlymen «Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy» komersıalyq emes aksıonerlik qoǵamy bolyp qaıta quryldy. Qazaqstan Respýblıkasy Mádenıet jáne sport mınıstrligi Til saıasaty komıtetine qarasty «Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy» komersıalyq emes aksıonerlik qoǵam (budan ári – «Til-Qazyna» ulttyq ortalyǵy) qyzmetiniń negizgi nysany – ǵylymı zertteýler, bilim berý tehnologıalary men qosymsha bilim berý ázirlemeleri salasyndaǵy qyzmetti júzege asyrý.
«Til-Qazyna» ulttyq ortalyǵy elimizde memlekettik til saıasatyn júzege asyrýda ǵylymı-ádistemelik súıemeldeý qyzmetin atqaryp keledi. Atap aıtqanda, oblys ortalyqtarynda, Astana, Almaty, Shymkent qalaralarynda, aýdandarda ornalasqan barlyq memlekettik tildi oqytý ortalyqtarynyń eresek azamattarǵa qazaq tilin oqytý ádisnamasyn júıeleý men standarttaý, ádiskerler men oqytýshylarǵa ádistemelik kómek kórsetý, oqý-ádistemelik quraldardyń mazmunyn ázirleý, baspadan qajetti kólemde shyǵarý, qamtamasyz etý, aqparattyq-tehnologıalardyń jetistikterin paıdalanyp baǵdarlamalyq jabdyqtaýlar ázirleýmen aınalysady.
Qazaq tilindegi termın sózder men jer-sý ataýlaryndaǵy ózekti problemalardy talqylaý men saralaýǵa arnalǵan Termınologıa men onomastıka salasyndaǵy Ulttyq komısıa jumysy da «Til-Qazyna» ulttyq ortalyǵy tarapynynan úılestiriledi.
Qazaqstan Respýblıkasynyń Prezıdenti N.Á. Nazarbaevtyń 2017 jylǵy 12 sáýirdegi «Bolashaqqa baǵdar: rýhanı jańǵyrý» maqalasyndaǵy qazaq álipbıin kırılısadan latyn grafıkasyna kóshirýge arnalǵan baǵdarlamalyq tapsyrmasyna sáıkes qazaq tilin latyn grafıkasyna kezeń-kezeńimen kóshirýdiń ǵylymı-uıymdastyrýshylyq mindetterin atqaratyn Orfografıalyq jumystar baǵyty boıynsha jumys bastaldy.
«Til-Qazyna» ulttyq ortalyǵy ár jyldarda birneshe oqý-ádistemelik quraldardy jaryqqa shyǵardy:
«Mártebeli sóz»;
«Memlekettik qyzmetshiniń tildik portfeli»;
«Qazaq tili» deńgeılik oqýlyqtary;
«Tilmash»;
«Qazaq sózi»;
Álem tilderinde jazylǵan úzdik shyǵarmalardyń aýdarmalary;
jáne t.b.
«Til-Qazyna» ulttyq ortalyǵy atqaratyn negizgi is-sharalar:
Jyl saıynǵy qazaq tiliniń oqytýshylary men ádiskerleri arasyndaǵy respýblıkalyq baıqaý;
Jyl saıynǵy jastar arasyndaǵy «Tildaryn» respýblıkalyq olımpıadasy;
Termınologıa men onomastıka taqyryptaryna baılanysty semınar-keńester;
Latyn grafıkasyna kóshirýdiń ǵylymı-uıymdastyrýshylyq mindetteri baǵytyndaǵy semınar-keńester;
«Qazaqstannyń bolashaǵy qazaq tilinde» aqparattyq-nasıhat dóńgelek ústelderi;
jáne t.b.
