Жаңалық

Шымкентте күніне 100 мыңнан астам бетперде тігілуде

Төтенше жағдай кезінде медициналық бетперде тапшылығын болдырмау үшін Шымкент қаласында мемлекеттік мекемелер мен халық көп шоғырланатын нысандарға 285 мың дана медициналық бетперде таратылды.

Аталған бетперделердің артықшылығы көп  рет қолдануға жарайды.

Бұл туралы ақпараттық-коммуникациялық орталықта өткен брифингте Шымкент қаласы төтенше жағдай штабының өкілі Қанат Жүнісбеков мәлімдеді.

Бұл бетперделердің барлығы Шымкент қаласындағы жергілікті кәсіпорындарда тігілген.

Мұнан бөлек қала аумағындағы дәріханаларға жергілікті жерде өндірілген 185 мың дана бетперде түсті. Тиісті органдар бетперде бағасының негізсіз қымбаттамауын қадағалап отыр.

Бетпердемен қамтамасыз ету үшін жергілікті кәсіпкерлермен бірге күніне 100 мыңнан астам медициналық бетперделер тігіліп, қала аумағындағы дәріханалар мен базарларға жеткізілуде.

Бетперделер шығаратынк әсіпорындар («Гаухар», «AzalaТextile», «АГФ групп» ЖШС-і, «ALATEX» жеңіл өнеркәсіп орындары) қуаттылығын және антисептиктер мен басқа да дизинфекциялық заттар шығаратын өнімдерінің көлемін арттыру шаралары қабылданды. Бүгінгі таңда бетперделердің бағасы 150-200 теңге көлемінде сатылуда. Бұл баға бетпердеге кететін материалдар мен басқа да шығындарды есептегенде шығатын құны.

Қаладағы «MegaPharma» ЖШС 20 000 мыңға жуық бетперде мен балаларға арналған 600 аскорбинді қышқыл дәруменін таратты. Бетперделер шаһарда адам көп шоғырланған орындарда, атап айтқанда, Арбат демалыс орны, «Жаңашаһар» базары, «Север» саудаүйі, Қайнар бұлақ және Сайрам елдімекендерінде таратылды.

Шымкент қаласы,

«Рухани жаңғыру» жобалық кеңсесі

Басқа материалдар

Back to top button