Елорда күні және Ұлттық домбыра күні мерекесіне орай, Нұр-Сұлтан қаласының Білім басқармасы әл-Фараби атындағы оқушылар сарайында тұңғыш оқушылардың «Фараби сазы» оркестрінің тұсауы кесілді.
Мән-маңызы мен мақсаты:
Елорда күні мерекесін және оның қалыптасуы мен өркендеуіндегі Елбасының ерен еңбегін жан-жақты насихаттау;
Халқымыздың қасиетті аспабы домбыраның мәні мен маңызын түсіндіру. Ұлттық домбыра күні мерекесі қарсаңында әл-Фараби есімін иеленген оқушылар сарайының «Фараби сазы» оркестрінің тұсауын кесіп, қалың жұртшылыққа таныстыру;
Елордамыздағы талантты оқушылардың өнеріне құрмет көрсету арқылы олардың бойында еліне, ұлтына деген сүйіспеншілік құндылықтарын қалыптастыру.
«Фараби сазы» оркестерінің көркемдік жетекшісі – ҚР Білім беру ісінің құрметті қызметкері Қорғанбек Шолпан Ділдәбекқызы.
