Бұл туралы Еңбек және халықты әлеуметтік қорғау министрі Біржан Нұрымбетов айтты.
«Цифрлық даму, инновациялар және аэроғарыш өнеркәсібі министрлігімен бірлесіп, кейбір категориядағы адамдарға проактивті төлем жасауға шешім қабылдадық. Барлық базаны зерттеп, әлі күнге дейін табыссыз отырған адамдар тобын анықтадық. Бұл санаттағы адамдарға әлеуметтік төлем ешқандай өтінішсіз, өз келісімімен сырттай тағайындалады. Оларға SMS жолданады. Хабарлама алған азаматтар өз жағдайының өзгермегенін растаса, төлемді автоматты түрде тағайындаймыз», – деді министр.
