Делегацияны әуежайдан Шымкент қаласы әкімінің бірінші орынбасары Шыңғыс Мұқан сәт-сапар тілеп, шығарып салды.
Қазақтың бас ақыны һакім Абайдың 175 жылдығына орай Шымкент қаласы және Түркістан облысы мәдениет саласының қызметкерлері, қоғам қайраткерлері, Рухани жаңғыру жобалық кеңсесінің өкілдері, журналистері мен блогерлері бар арнайы делегация ұлы Абай еліне аттанды.
Ұлы Абайдың 175 жылдығына арналған сапар 15-17 қыркүйек аралығын қамтиды. Шараның бастамашысы және ұйымдастырушысы – «Серпіліс» қоғамдық қоры. Саяхат сапарда делегация Ұлы ақын Абай, Шәкәрім шығармалары мен құнды жәдігерлерімен терең танысып, тұлғалардың рухына тағзым етеді.
