Жаңалық

«Үркер – 2020» Ұлттық сыйлығына өтінімдерді қабылдау мерзімі ұзартылды

Қатысушылардың көптеген өтініштері бойынша «Үркер – 2020» Ұлттық сыйлығына өтінімдерді қабылдау мерзімі 2020 жылғы 5 қараша сағат 18:00-ге дейін ұзартылды.

Естеріңізге сала кетейік, Ұлттық сыйлық баспа, радио, интернет-журналистика саласындағы үздік жетістіктерді бағалау үшін және журналистиканың беделін арттыруға, кәсіби стандарттарды бекітуге бағытталған.

Конкурстық жұмыстарға қойылатын талаптар:

– жұмыстар 2019 жылғы 01 қаңтар мен 2020 жылғы 01 қараша аралығында жариялануы тиіс;

– жұмыстар баспа басылымында, интернет-ресурста жариялануы немесе радиоэфирде шығуы тиіс.

«Үркер — 2020» Ұлттық сыйлығының жеңімпаздарын марапаттау рәсімі онлайн-форматта 2020 жылғы 13 қарашада өтеді. Конкурс қорытындысы бойынша әр номинацияның үздік өкіліне жеңімпаз атағы беріліп, «Үркер» естелік мүсіншесі және бір миллион теңге мөлшеріндегі ақшалай сыйлық табыс етіледі.

Басқа материалдар

Back to top button